======================================================
Nagkaroon kami ng isang paglalakbay sa Bundok ng Makiling noong nakaraang Sabado, ika-dalawamput dalawa ng Enero. Wala lang! gusto ko lamang po ibahagi! hihi ^_^
======================================================

Simula pa noong akoy bata, namulat na ako sa mga ibat-bang kwento ng kababalaghan at mga alamat. Nakakatawa man sabihin at aminin ay may mga ilan sa mga kwentong ito ang aking pinaniwalaan at hanggang ngayon ay saulo parin at kinaaaliwan..

At isa na nga dito ay ang aking pagkahilig sa mga diwata. Sa hindi malamang kadahilanan ay nagkaroon ako ng interes sa kanila at sa mga kwento ukol sa kanila..

Hanggang sa dumating ang araw na ako ay pupunta sa isang kabundukan na siyang pinaniniwalaang pinaninirahan ng isang diwata na akin din kinaaaliwan.. ang Bundok ng Mariang Makiling. Kasama ang aking mga kagrupo sa Botany 109, nagsuri kami at naghanap ng mga halaman na siyang aming pag-aaralan..

Nakakatuwang isipin na akoy naglalakbay sa isang lugar na siyang nabbabalutan ng misteryo at kwento, at sa bawat hakbang at simoy ng hangin na aking nalalanghap ay tila nararamdaman ko ang presensya niya at naririnig ang kanyang malamyos na tinig na siyang nagpapaginhawa ng aking pakiramdam..

At matapos ang paglalakbay na ito nasabi ko sa aking sarili na babalik muli ako sa mala-paraisong lugar na ito... Ang Bundok ng Mariang Makiling..^_^

Narito ang ilan sa mga larawan namin.. Aliw!